ಮೈಲಾರೇಶ್ವರ ನಮೋ ನಮೋ

ಹೊರದ್ವಾರದಲಿ ಷಣ್ಮುಖ
ಮತ್ತೊಂದೆಡೆಯಲಿ ಗಜಮುಖ
ಎದುರು ಕುಳಿತಿಹ ನಂದಿಯಣ್ಣ
ನೋಡಲೆರಡು ಸಾಲದು ಕಣ್ಣು
ನಿನ್ನ ಮುಕ್ಕಣ್ಣ

ಧಾರವಾಡದ ಮೈಲಾರಗುಡ್ಡ
ದಿಂದಿಲ್ಲಿಗೆ ಬಂದಿಹೆಯಂತೆ
ವರ್ಷಕ್ಕೊಮ್ಮೆ ನಿನ್ನ ತೇರಂತೆ
ಮೈಲಾರೇಶ್ವರನೆ

ಮೈಲಾರಿಗಳಿಗೆ ನೀ ಆಶ್ರಯವಂತೆ
ಮೈಮೇಲೆ ತೇರ ದಿನ ಬರ್ತೀಯಂತೆ
ಜಗದ ಭವಿಷ್ಯವ ನುಡಿತೀಯಂತೆ
ಹಲ್ಲಲೇ ಕಬ್ಬಿಣ ಕಡಿತೀಯಂತೆ
ಎದುರಿಟ್ಟ ಮೂರು ಕಲ್ಲೆತ್ತೀಯಂತೆ
ಪಾರ್ವತಿ ಪತಿಯೆ ನಮೋ ನಮೊ

ಮೈಲಾರಿಗಳ ವಾದ್ಯ ಮಧ್ಯಾನದಾರ್ತಿ
ನವರಾತ್ರಿ ಬನ್ನಿಗೆ ತಪ್ಪದೇ ಬರುತಿ
ನಂಬಿ ನಡೆದವರ ಕಷ್ಟವ ಕಳೆಯುತಿ
ನಮ್ಮೇಲೂ ಇರಲಿ ನಿನ್ನಯ ಪ್ರೀತಿ
ಪರಮೇಶ್ವರನೇ ನಮೋ ನಮೊ