ಹೊಸ ಕೆಲಸದ ತುಮಲಗಳು

(ಹೊಸದಾಗಿ ಕೆಲಸಕ್ಕೆ ಸೇರಿದ ಯುವಕನೊಬ್ಬನ ಮನದ ದುಗುಡಗಳ ಕೆಲ ಎಳೆಗಳನ್ನು ಬಿಡಿಸಲು ಒಂದು ಪ್ರಯತ್ನ)

ಹಲವು ದಾರಿ ಸಿಕ್ಕು ಜೇಬು ಭಾರ
ಹೆತ್ತ ತಾಯ ಕರೆಯೂ  ಕಿರಿಕಿರಿ
ಚಂಚಲೆಯ ಜೊತೆ ಹಲವ್ಯಸನ ಸ್ವಪ್ನ
ಸಾಕೆ ಎತ್ತ ದುಡಿತ , ಹಳೆ ಹೊರೆ..? |೧|

ಭಾವನೆಯಿಲ್ಲದ ಜೇವನವೇಕೆ?
ಗುರಿ ನೂಲಿಲ್ಲದ ಪಟದಂತೆ
ತಾತ್ಸಾರ ಹಾಸು,ಮತ್ಸರದ ಮುಳ್ಳು
ನಿನ್ನೆ ನಾಳೆಗಳ ದೈನೇಸಿ |೨|

ಅವರಿವರ ಮರ್ಜಿ, ಹಚ್ಚು ಬೆಣ್ಣೆ
ಸ್ವಂತಿಕೆಯ ಸಾವೆ ಈ ಕೆಲಸ
ಬಡವ ನಾನು ಭಾವಕ್ಕು ಬರವು
ಮಿತ್ರರ ಪಾಲಿನ ಹಾಸ್ಯ, ಕಸ
ಗುಡಿಸುತ ಹುಡುಕುವೆ ಕಳೆದಿಹ
ನನ್ನನೆ ಸಾಧನೆಯ ದಾರಿಯಲಿ ಅನವರತ|೩|