ಕಳೆದಿಹ ನನ್ನ ಹುಡುಕೆ ಸಖಿ

ಬೀರು , ವಿಸ್ಕಿಗಳ ನಡುವೆ ಕರಗದೆ

ಹಲವು ಹೊಗೆಯಲಿ ಉಸಿರುಗಟ್ಟದೇ

ಹೇಯ ತಾಣದಲಿ ಮನಸ ತೆತ್ತದೇ

ಉಳಿಯುವುದೊಂದೇ ಬದುಕೆ ಸಖಿ ?

(ಈ.ಕೀ ಭಟ್ಟರ ಕ್ಷಮೆ ಕೇಳುತ್ತಾ .. )

ಪ್ರೀತಿಯಿಲ್ಲದ, ಮನದ ಮೋಜಿಗೆ

ಸರಿಯೇ ಈ ತರ ಸ್ವೇಚ್ಛೆ, ರೇಜಿಗೆ

ಒಳ್ಳೆಯವನೆ ಮನೆಗೆ, ಮನಕೆ ?

ನನ್ನ ದೃಷ್ಟಿಯನೆ ಸಹಿಸೆ ಸಖಿ

ಏನೋ ಮಗನೆ, ಹೇಗಿದ್ದೀಯ

ಎಂದು ತಾಯ ಕರೆ

ಏನು ಉತ್ತರ ?

ಕಳೆದೆ ಜೂಜಲಿ, ಹಣದ ಹೊಳೆಯಲಿ

ಮೋಹಿನಿ ನಗುವಲಿ, ಹೊಗೆಯ ಉಸಿರಲಿ

ಎಂದೇ ?

ನನ್ನ ದ್ವನಿಯೂ ಕೇಳದಷ್ಟು

ಪಾತಾಳದಲ್ಲಿ ಕೈಕಾಲು ಕಟ್ಟಿ

ಬೆಂದು ಬಿದ್ದಿರುವೆ

ಕಳೆದಿಹ ನನ್ನ ಹುಡುಕೆ ಸಖಿ..

ಮತ್ತೆ ಹಳೆಯ ’ನಾನು’ ತಾರೆ ಸಖಿ