ಪಯಣ

ದೂರದಲ್ಲಿ ಮಿನುಗುತಾರೆ ತಿಳಿ ಬೆಳಗು
ನೋಡಿ ನಿನ್ನ ಅಸೆಯೆಲ್ಲ ಮೊಳೆತಿಹುದು
ಬದುಕ ದಾರಿ ಮತ್ತೆ ನೂರನೇ ತಿರುವಿನಲಿ
ರೆಂಬೆಯದೋ ಇದೋ ಎಂಬೋ ಭ್ರಮೆಯಲ್ಲಿ|

ಕಾಣದ ಹಾದಿ ಹಿಡಿದಿಹ ಮನುಜ
ಮರಳುವನೆ ಗೂಡಿಗೆ?
ಗೊತ್ತುಗುರಿಯಿಲ್ಲ ಹೊತ್ತು ಸಾಗಿಹನು
ಆಸೆಯ ಮೂಟೆ ಬೆನ್ನಿಗೆ|

ನೋಡಿ ಬಾನಲ್ಲಿ ಮರಳಿ ನಿರೀಕ್ಷೆ
ನಿನ್ನದೇ ತರದಲಿ
ಮಿಣುಕಿ ಮಿಣುಕಿ ದಿನ ಇಹ ತೋರೋ
ಬಾನೆಂಬ ಪಟದಲಿ|

ಮರಳದೇ ಕಳೆದರೂ ಸಾಕ್ಷಿ
ನೀನೆ ಬವಣೆಗೆ,
ಬೆಂದು ಗೆದ್ದ, ಉಸಿರಾಡುತಿದ್ದ
ಮನದಾಳದ ಗೆಳೆಯಗೆ|

ಇನ್ನೆಂದು ಬರೆವೆನು ಅರಿಯೆನು ನಾನು
ಬೇಡವೇ ಬೇಸರ
ಮರಳಿ ಚಿಗುರುವುದು ಕಡಿದ ವೃಕ್ಷವು
ಕರುಣಿಯೋ ನೇಸರ|